- Lyrics
- Album list
- Singer Intro
澎恰恰
-
伸袂出手
Composer:蔻東穎
20528/《伸袂出手》Tshun Buē-tshut Tshiú 澎恰恰Pōng Tshia̍h Tshia̍h
女) 你酒哪會啉袂停 lí tsiú ná ē lim buē-thîng 將人生這罐 tsiong jîn-sing tsit kuàn 甘醇苦澀的酒 kam-sûn khóo-siap ê tsiú 啉甲攏無賰 lim kah lóng bô tshun 啉甲攏無賰 lim kah lóng bô tshun 燒酒醉 sio-tsiú-tsuì 無轉去 bô tńg--khì 你是去佗位 lí sī khì tó-uī
男) 夜深啦 iā tshim--lah 天頂有淡薄仔冷 thinn-tíng ū tām-po̍h-á líng 原來是冷 guân-lâi sī líng 身軀才會感覺冰冰 sin-khu tsiah ē kám-kak ping-ping 對鎖咧的窗仔門 tuì só--leh ê thang-á-mn̂g 鑽去伊的房間 tsǹg khì i ê pâng-king 看著伊 khuànn-tio̍h i 閣等欲共我開門 koh tán beh kā guá khui-mn̂g
男) 伸袂出手 tshun buē-tshut tshiú 嘛愛伸出手 mā ài tshun tshut tshiú 去摸伊 khì bong i 紅貢貢的目睭 âng kòng-kòng ê ba̍k-tsiu 女) 你的手 lí ê tshiú 伊煞當做是月光 i suah tòng-tsuè sī ge̍h-kng 遐爾仔冷 hiah-nī-á líng 遐爾仔冰 hiah-nī-á ping
女) 你酒哪會一直啉 lí tsiú ná ē it-ti̍t lim 將未來彼罐 tsiong bī-lâi hit kuàn 猶未拍開的酒 iáu-buē phah-khui ê tsiú 捾出來啉 kuānn tshut-lâi lim 捾出來啉 kuānn tshut-lâi lim 斟滿滿 thîn muá-muá 啉落去 lim--lo̍h-khì 你會燒酒醉 lí ē sio-tsiú-tsuì Find more lyrics at ※ Mojim.com
男) 夜深啦 iā tshim--lah 跤步踏袂出聲 kha-pōo ta̍h buē tshut-siann 原來是月光 guân-lâi sī ge̍h-kng 派人送我去揣伊 phài lâng sàng guá khì tshuē i 對鎖咧的窗門 tuì só--leh ê thang-mn̂g 行到伊的房間 kiânn kàu i ê pâng-king 看著伊 khuànn-tio̍h i 閣咧等我 koh teh tán guá 猶未睏 iáu-buē khùn
男) 電火的光 tiān-hué ê kng 照著我的身軀 tsiò tio̍h guá ê sin-khu 疼甲覕去 thiànn kah bih khì 覕去伊的目睭 bih khì i ê ba̍k-tsiu 女) 伊的心 i ê sim 蹛佇記持的彼間厝 tuà tī kì-tî ê hit king tshù 永遠無愛 íng-uán bô-ài 伊永遠無愛出門 i íng-uán bô-ài tshut-mn̂g
男) 伸袂出手 tshun buē-tshut tshiú 嘛愛伸出手 mā ài tshun tshut-tshiú 去摸伊 khì bong i 紅貢貢的目睭 âng kòng-kòng ê ba̍k-tsiu 女) 你的手 lí ê tshiú 伊煞當做是月光 i suah tòng-tsuè sī ge̍h-kng 遐爾仔冷 hiah-nī-á líng 遐爾仔冰 hiah-nī-á ping
男) 伸袂出手 tshun buē-tshut tshiú 嘛愛伸出手 mā ài tshun tshut-tshiú 去摸伊 khì bong i 紅貢貢的目睭 âng kòng-kòng ê ba̍k-tsiu 女) 你的手 lí ê tshiú 伊煞當做是月光 i suah tòng-tsuè sī ge̍h-kng ...
- Special thanks to W.B. Chen for sharing the lyric.
- Related Links: W.B. Chen
|